ДАУЫРАТЫ Дамир

Дамиры поэтикон уацмыстæ хицæн чиныгæй рацыдысты 1997 азы Дзæуджыхъæуы, «Удыбæстæ», зæгъгæ, ахæм номимæ.
Дауыраты Ханджерийы фырт Дамир у прозаик, радзырдты æмæ документалон чингуыты автор.

Фæлæ, куыд фæзæгъынц, йæ фыццаг уарзт поэзи уыд — æмдзæвгæтæй райдыдта йе сфæлдыстадон фæндаг.

Дамир райгуырди Хуымæллæджы 1940 азы 17 августы. Бакасти йæ хъæуы астæуккаг скъолайы, Дзæуджыхъæуы педагогон техникумы, Ростовы Уæлдæр партион скъолайы журналистикæйы факультеты. Куыста Кировы районы газет «Размæ»-йы бæрнон секретарæй, фæскомцæдисы æмæ СЦКП-йы райкомты, Рахизфарсы районы газеты редакторæй, Беслæны горæты мэрæй. Ныртæккæ у Паддзахадон Думæйы депутат Фадзайты Арсены æххуысгæнæг.

Дамиры поэтикон уацмыстæ хицæн чиныгæй рацыдысты 1997 азы Дзæуджыхъæуы, «Удыбæстæ», зæгъгæ, ахæм номимæ.