УАРЗОНДЗИНАД.

Цœй ма чызгай, дœ сœр бœрзœндты ма хœс,

Æгœр дœхицœй ма ныббуц у цœй.

Мœ уарстыл мын ды ма балœгœрд къахœй,

Нœ фœуыдзœ фœсмонгонд ды мœнœй.

 

Изæрæй иу куы рцæйцыттæн уæ рæсты,

Уа кæртæй хъуыст дæ хъæлзæг худт дæуæн.

Куы иу каста манмæ уа кауы сарты,

Мæ риуы зæрдæ скафыд уæд мæнæн.

 

Æз дардæй кастæн алы бон уæ уынгмæ,

Дæу нæ фенгæйæ рвыстон æз мæ бон.

Куы зонис ды, куыд бæллын аз дæу уындмæ

Æнæ дæу цæрын нал у, нал, мæ бон.

 

Мæнæ та бадæм бандоныл мах иумæ,

Дæ фæлмæн къухыл андзæвыд мæ къух.

Куы мын нылхъивыс ды мæ къух дæ риумæ,

Мæ уарзондзинад ссудзы уæд æдзух.

 

Цæй дзæбæх ысты хъарм изæртæ сæрды,

Мæ къæйных ныхас сау расугъд наппар.

Дæхицæй фылдар никæй уарзын царды,

Мæ уарзондзинад бакодтон дæ бар.

 

Дæ цæстытæм дын ком коммæ куы кастæн,

Мæ уарзты цæхæр пиллонæй сыхди.

Сырх уардиау куы райхалди на уарст дæр,

Нæ уарст `рттивгæ стъалыйау зынди.

Автор: Таймæзты Къоста