СУСӔГ УАРЗТ

Ӕз сау арвмӕ ӕхсӕвыгон куы скӕсын,
Фӕуынын дзы дӕ сау цӕстыты 'рттывд.
Ӕрмӕстдӕр царды уымӕй ӕз фӕтӕрсын,
Куы разыной дӕ цӕстытӕ  фӕлывд.

Куы нӕ бабыхса зӕрдӕ уыцы зианӕн,
Куы асӕтта бынтон мӕ уды ныфс.
Фӕлӕ уӕддӕр фӕдзурын бузныг арвӕн,
Ды мемӕ иу зӕххыл мӕ рӕстӕджы цӕрыс.

Кӕй дыл фембӕлдтӕн, бузныг дӕн Хуыцауӕн.
Ӕмбӕхсын ӕз мӕ сусӕг уарзт дӕуӕй.
Тӕрсын, мыййаг мӕ цӕстыты фӕллады 
Куы ауынай мӕ зӕрдӕйы цӕхӕр.

Автор: Плиева Татьяна