ФЫЦЦӔГ ФЕМБӔЛД

Уӕртӕ институтӕй рараст -

Уыд уӕздӕн, рӕсугъд йӕ рацыд,

Зӕдау уыд, ӕфсӕрм, йӕ ракаст -

О! Цӕуыл мӕ зӕрдӕ схъазыд!?

 

Ай цы у - ӕнахуыр рызту!?

Цӕстӕм цингӕнгӕйӕ срасти,

Ай мӕ цӕстытыл цы уынду!? -

Уый у! – Амонд мӕм ӕркасти.

 

Уый у! - Стъалытӕй ӕрцыди,

Хурау, цӕстытӕм ӕрттивы!

Схӕццӕ зонд - кӕдӕм фӕцыди,

Зӕрдӕ нал лӕууы мӕ риуы …      

 

Чызгыл хъуыдыты, ӕризӕр,

Ӕхсӕв горӕтыл ӕрбадти.

Алы хин митӕй сӕрибар,

Фын мӕм рагацау ӕруади ...

 

Райсом раджы хур ыскасти,

Райхъал ногӕй, горӕт дӕу!

Цъиу бӕрзонд, уӕларвмӕ стахти,

Загъта не ᾿ппӕтӕн рӕвдӕу!

 

Чызг та, ᾿гъдаудзынӕй, куы рараст,

Фесӕфт, хъару ма, кӕм уыди!

Уый та, хъазгӕйӕ, ӕрбакаст -

Сӕрды хурау мӕм фӕхудти!

Автор: Чехоев Валерий Владимирович