СӔРДЫГОН НӔ ХЪӔУЫ

Узгӕ уӕлӕнгай, гӕлӕбуйы тахт,

Стыртӕ-гыццылтӕ, сӕ базыртӕ раст!

Сӕрды, цъӕх нӕууыл, хуыздӕр иунӕм каст -

Хъавын, ӕрцахсын, суадзын – нӕ хъаст!

 

Сырхытӕ, буртӕ, рӕсугъд у сӕ хуыз -

Иу дӕр нӕ уыди бынтондӕр ӕгъуыз!

Лидзы сӕ фӕдыл, фӕзмыны сӕ куыдз -

Стахти гӕлӕбу - гъе уый дын ӕххуыс!

 

“Авддурӕй”, “лаптъойӕ”, пуртийӕ хъаст,

Хуры ныгъуылаенмӕ алыбон раст!

Чызджытӕ худынц, сӕ дзыккутӕ баст,

Се рдӕм ирвӕзы нӕ лӕппуты каст!

 

Фосдӕр ӕрыздӕхт, сӕ богъныл ысуад,

Цъырцъыраг быдыры райдыдта цагъд,

Хӕлынбыттыр райхъал, алыварс тахт -

Изӕр ӕрцыдис, зыдтамӕй иу уӕд!

 

Изӕры, былыл, тымбылӕй нӕ хъаст -

Хынджылӕг, цъындӕмбӕхст, талынгы бадт …

Уырдыгӕй, дӕрдыл ӕххӕссыди цӕст,

Царддӕр рӕсугъдӕй-рӕсугъддӕрнӕм каст!


Автор: Чехоев Валерий Владимирович