«УАЛДЗЫГОН ФӔТКЪУЫЙЫ ДИДИНӔГ»

Рацӕйцыдтӕн, горӕты, изӕрыгон,

Хъуыддӕгтӕ, фӕдӕн мӕ, кусинаг.

Рох мӕ уыдис, уарзондзинад, уалдзыгон -

Уардийӕн йӕ тӕф, мӕ дидинӕг …

 

Ауыдтон дӕ машинӕйы рудзынгӕй -

Хуры тынтау, райдзаст, цӕстытӕ …

Аскъӕфтоймӕ мисинӕгтӕ, уырдыгӕй,

Дӕсӕм къласы уалдзӕг, уардитӕм ...

 

«Стъалыты бын, ‘рымысыдтӕн, ‘нкъарӕнтӕ -

Цӕстытӕм кӕсгӕйӕ, дзуринаг.

Арӕх уыдис, доны былыл, бадӕнтӕ,

Зӕрдӕбын ныхӕстӕ, хъусинаг ...

 

Тынг зын уыди, хицӕн демӕ, фӕззӕгон -

‘Нӕрхъуыды ныхӕстӕ, риссинаг.

Уарзонад мӕ, ферох ис, уӕд, уалдзыгон -

Стъалытӕ, куы уыдтӕн, рисинаг ...»

 

Бахудтӕ мӕм, хъазгӕ хурау, рудзынгӕй -

Фембӕлдысты, ‘нанхъӕл, цӕстытӕ,

Дзуарттӕм ӕскуыфтон, цинӕй, бузныгӕй -

Ферох сты, амондыл, хъӕстытӕ!

 

Райхъал ысты ӕнкъарӕнтӕ, уалдзыгон,

Уарзонадыл демӕ, зарджытӕ.

Разадысты, бӕзыртӕ мыл, ӕрыгон -

Райхӕлдысты, хурмӕ, уардитӕ!

 

Ды, мӕнӕн дӕ, царды амонд, хуры тын,

Уалдзыгон фӕткъуыйы, дидинӕг!

Зӕд уӕларвон, уарзон ӕмӕ буцы фын,

Уарзонад рӕсугъд мӕ циндзинад!

Автор: Чехоев Валерий Владимирович