«ТӔХУДИАГ»

Абон куы абадин бӕхыл,

Ногӕй та, фестин алан,

Падзахау, цӕргӕс, кӕм тӕхы,

Уаит, уӕлейӕ, кӕсӕн!

 

Ирӕн йӕ фарон мӕ фидӕн,

Дардыл уалейӕ уынин,

Хъуысит мӕм фыдӕлты сидӕн,

Фенин нӕ сомбоны цин!

 

Хъару, лӕгдзинад, йӕ радыл

Ирӕтты ‘гъдауӕн уыди,

Царды, куы акӕсам дардыл,

Уарзын дӕр, арӕх, хъуыди!

 

Ирон та ногӕй кӕм бырса,

Хъару, уӕлахисӕй, раст -

«Ирӕттӕ размӕ!» нӕм хъуысӕт,

Куыст ӕмӕ спорты ӕрмӕст!

 

Иры, йӕ Ӕрдз ӕмӕ Цардӕй,

Амонджын адӕм цӕрӕт -

Дисмӕ, цӕуиккой нӕм, дардӕй,

Туристтӕн уаит зӕнӕт!

 

Адӕм, сӕ мидбылты худтӕй,

Уарой нӕ зӕрдӕйы хъарм,

Хъару, уӕздан мӕ рӕсугъдӕй -

Райгуырӕн бӕстӕйы фарн!

 

Хистӕртӕ, кад мӕ лӕггадӕй,

Ногӕй ӕгъдаумӕ кӕсой,

Алы бон, райгонд сӕ цардӕй,

Кӕстӕртӕн арфӕ кӕной!

 

Иры рӕсугъды уынгӕйӕ -

Арфӕ Хуыцауӕй зына!

Уастырджы, бӕхыл тӕхгӕйӕ -

                                                Хъахъхъанӕг махӕн, уынӕм!

Автор: Чехоев Валерий Владимирович