«УАРЗОНДЗИНАД ФЫЦЦАГ ФЕНДӔЙ»

Абон фембӕлдтӕн, нӕ сыхӕй,
Иу рӕсугъд хӕрзаив чызгыл 
Уарди-дидинӕджы хуызӕй,
Разылд ӕнӕнхъӕлӕй нӕ уынгыл…

«- Чи дӕ, чи, рӕсугъд, уӕндонӕй,
Ам куы равдыстай дӕ бартӕ!?
Систай уацары ӕнцонӕй
Ды ӕвӕсмонӕй мӕ зӕрдӕ!

Ӕз дӕ цӕстыты ныгъуылын
Мӕ дӕуӕй ӕххуыс нӕ домын,
Цинӕй, ницы 'ндӕр нӕ уынын,
Цӕст дӕ цӕстытӕй нӕ комы!

Арвыл ленк кӕныс кӕсагау
Мӕ стъалыйау ӕрттивыс,
Дард бынӕй, кӕмдӕр, кӕрдӕгау,
Мӕн дӕ къӕхты бын нӕ уыныс ...

Ныр уӕлӕмӕ дӕм, куы дзурын,
Мӕ бӕллын, бӕллын, дӕ кастмӕ,
Доны лӕугӕйӕ, куы судзын -
Ракӕс, мӕнӕ дӕн, фӕхатмӕ!...»

Иунӕг доныхъаз ӕнкъардӕй
Доны сӕрыл сыфтӕр узы,
Цыма суынгӕг ис йӕ зӕрдӕ -
Райхъал уарзонад йӕ уды.

Автор: Чехоев Валерий Владимирович