"ЛАЛЫТӔ" - ШУТОЧНЫЙ ПЕРЕВОД ГРУЗИНСКОЙ НАРОДНОЙ ПЕСНИ ИЗ РЕПЕРТУАРА АНСАМБЛЯ "ОРЕРА".

Лалытӕ, лалытӕ, арвыл уӕлӕ стъалыхуы́з,
Иу стъалыйы дӕу базыдтон, ой мӕ уарзон рӕсугъд чы́зг!
Хур мӕм ракаст дӕ цӕстытӕй - уалдзыгонау рындӕвта́,
Хъарм мидбылхудт ракастӕ мӕ дидинӕгау райхалттӕ́!

Лалытӕ, лалытӕ, арвыл уӕлӕ стъалыхуы́з,
Иу хатт ма мӕм бахуд ноджы, ой дӕ фӕхъхъау, рӕсугъд чы́зг!

Арвыл стъалытӕ куы фестой Ирыстоны чызджытӕ́,
Скалой кӕд нӕ хӕхты сӕрмӕ заманайы тыфылтӕ́,
Уӕд куыд ӕмбӕлы нӕ кадӕн, Ирыстоны лӕппутӕ́н,
Алчи, йӕхи ракетайыл, атӕхдзӕнис стъалытӕ́м.

Лалытӕ, лалытӕ, Ирыстоны чызджытӕ́м,
Алчи, йӕхи ракетайыл, атӕхдзыстӕм лӕппутӕ́.
Уарзондзинадӕй ныфсджынтӕ, хахты сӕртӕ басӕттӕ́м
Не стъалытау чызджыты раз ысгуыхтдзинад равдисӕ́м!

Зындзинӕдтӕй мах нӕ тӕрсӕм, мигъты сӕрыл, къӕдзӕхтӕ́й,
Уарзондзинад махӕн дӕтты ныфсдзинад мӕ базыртӕ́!
Лалытӕ, лалытӕ, Ирыстоны лӕппутӕ́н,
Уарзондзинад нын лӕвар у, лӕгдзинад мӕ хъаруйӕ́н!

Лалытӕ, лалытӕ, арвыл уӕлӕ стъалыхуы́з,
Иу хатт ма мӕм бахуд ноджы, ой дӕ фӕхъхъау, рӕсугъд чы́зг!

Автор: Чехоев Валерий Владимирович