«ИРОН ÆВЗАГЫЛ»

Кæрæдзимæ ирон æвзагыл дзурæм,
Хуыцаумæ та зæрдиагæй фæкувæм!
Нæ мадæлон, куыд уæздан у, куыд зынаргъ,
Хуыцауы раз ссудзӕм ын нӕ цырагъ!

Ирон æгъдау, уæздандзинад, йæ фæрцы,
Нæ фыдæлтæй рæсугъдæй нæм æрхæццæ.
Ирон æвзаг нын бавæрдта нæ хъару,
Нæ адæмæн рæсугъдзинад мæ кад у!

Нӕ адӕммӕ куы сиды, уӕд фӕйлауы,
Куы бахъӕуа, фӕлмӕн вӕйы, рӕвдауы.
Нӕ мæдты ᾿хсыр ирон ныхасӕй арфӕ,
Нæ зæрдæты, ирон æвзаг, ды арф дæ!

Ирон æвзаг, куыд рӕсугъд дæ, куыд диссаг,
Зæрдæмæ хъарæн, цыргъ æмæ куыд риссаг,
Куыд Терчы донау, цырд æмæ къæркъæрæг,
Куыд иудзинадмæ сидыны дзæнгæрæг!

Автор: Чехоев Валерий Владимирович