ЗЫМӔГ

Тымыгъ фæлæууыд мæ фенцадис уад,

Боныхъæд аифта, рацыд йæ рад,

Урсыл фæивта йæ дарæс нæ хъæд,

Урс-урсит миты бын, ноджы ма, цад.


Ирӕн йӕ хъӕутӕ, хӕхтӕ мӕ фӕз,

Урс-урсит аргъауау, абон, нӕ раз.

Митӕй æрынцад, йӕ къалиуыл, уӕз -

Урс-урсит кæрцы ма, цъæх-цъæхит, наз.


Урс-урсит митæй у, быдыры уат,

Урс тæрхъус лидзы мæ уадзы йæ фæд,

Чысыл хъæлæба йæ, тарст у мийаг -

Мадау æй, амбæхста, райгуырæн хъæд.


Зымæг та, дæсныйау, дис кæны мах,

Нæй ын æнцой мæ, нæ ма йын у, фаг -

Урс-урсит къухӕй нын, урс-урсит хахх,

Цъæх арвыл, ныв кæны, хæхтæн сæ рагъ!

Автор: Чехоев Валерий Владимирович