САХУЫР МÆ КÆН, О ХУЫМГÆНÆГ, ХОРЫ КÆНДЫЛ ЗАРЫН...

Сахуыр мæ кæн, о хуымгæнæг, хоры кæндыл
                                                                зарын,
Сахуыр мæ кæн хоры гага ауæдзы æппарын,
Сау лæппумæ азымхæсгæ тар æрфыгæй ма кæс,
Рагвæззæджы рагуазалтау — сонт зæрдæйы
                                                                сагъæс.
Мæн мæ сонты бонты зилдух горæтмæ фæхаста,
Аныгъуылди райгуырæн хъæу арвгæроны фæстæ.
Нал æппæрстон зады нæмыг куыройы фæлгуыры,
Нал хъуыстон хуымонты зарæг рагуалдзæг
                                                                 быдыры...
Охх æбæрæг, охх æнæсгæрст мигъæмбæрзт
                                                            бæрзæндтæ,
Агуырдтон уæ кадæнхъæлæй, агуырдтон мæ
                                                                  сæнтты...
Гъе, фæлæ æрдæгфæндагæй раздæхтæн
                                                          фæстæмæ,—
Арвы цъæхы ничи тæхы цæргæстæй фæстæмæ.
Сахуыр мæ кæн, о хуымгæнæг, хоры кæндыл
                                                                     зарын,
Сахуыр мæ кæн хоры гага ауæдзы æппарын.



Автор: МАЛИЕВ Васо

Другие стихи автора