МÆ РАГБОНТÆ МÆМ АРГЪАУАУ КÆСЫНЦ...

Мæ рагбонтæ мæм аргъауау кæсынц...
Цыма кæй дардта æрдз ныронг æмбæхстæй,
Гъе, ахæм, ахæм диссаджы хъæлæстæй
Фæсхæхтæ 'мæ фæсденджызтæй зæлынц.
Дæу чи федта дæ рагуалдзæджы бонты,
Гъе уымæн кæд нæртон кадæг ысдæ.
Цыма фыдæлты уадындзы зæлтæ
Нындзыг ысты дæ уд æмæ дæ конды.
Рæсугъддзинад æнусон у зæххыл,—
Кæд мын дæ сурæт дард заманты царди? —
Мæнæн Шекспир йæ сонетты зæгъы,
Кæй æрттывта йæ тар дуджы дæр уарди,
Дæу дидинæг нæ хонын, фæлæ — цард,
Æрттывдимæ куыд абардзынæ арт?




Автор: МАЛИЕВ Васо

Другие стихи автора