КУЫ ФЕСТА НЕ 'ХСÆН СУДЗГÆ ЗÆХХÆЙ АРÆН...

Куы феста не 'хсæн судзгæ зæххæй арæн,
Уæддæр дæ риуы ма ныббадæд мигъ:
Ныфс æмæ амонд — иу арты дыууих,
Æмæ сын нæй æнæ кæрæдзи арæн.
Æнæнхъæлæй фæхицæн дæ мæнæй...
Нæ раздæхдзæн нæ рагуалдзæг фæстæмæ,
Рæузонд сæнттыл æууæндынæй фæстæмæ
Хуыздæр тæрхон, хуыздæр уынаффæ нæй.
Фæлæ ис иу фæтк — амонды нысан:
Æнæ кæрæдзи ис кæрæдзи уарзæн,
Æмæ кæмæн нæй иунæгæй фæразæн,
Уый иумæ мах æнцондæрæй хæссæм.
Мæ хур, æнæ нызт баззади нæ нуазæн,
Фæлæ дзы мах та расыгау куы стæм.




Автор: МАЛИЕВ Васо

Другие стихи автора