СЬЕРРÆ-МАЭСТРÆ

Сьеррæ-Маэстрæ — хæхбæстæ,
Дагъы, цъæх талайы фæстæ
Фыййаумæ йе 'мбæлттæ хатынц:
«Райс-ма, Армандо, дæ уадындз!
Азар нын денджызыл, азар,
Уазал фæйлауæнты азар
Æмæ тымыгъы фæлдзæгъдæн
Уадз æмæ сиу уой, дæ цагъды».
Уадындз йæ хус былтæм систа,
Æмæ цæгъдынтæ куы систа
Кубæйаг фыййау йæ сæнттæ:
«Оххай, мæ урсхъуыр бæлæттæ,
Макуы уын акалæд, макуы,
Тохы хъæр судзгæ уæ пакъуы!
Дуне цъæх арт æмæ арцæй,
Дуне бæстысæфты балцæй
Бахиздзæн Ленин, æмбæлттæ,
Оххай, мæ урсхъуыр бæлæттæ!..»




Автор: МАЛИЕВ Васо

Другие стихи автора