ГАДЗРАХАТÆЙ МЫЛ МА РАЦУ, СОНЕТ!..

Гадзрахатæй мыл ма рацу, сонет!
Мæ хъæдгæмттæ мын лавры сыфæй бамбæрз,
Мæ цæссыгтæ мын дæтты хъæры бамбæхс,
Фæлæ мын ратт, паддзах æмæ поэт
Фыдæй фыртмæ кæмæй цагвынц кæрæдзи,
Гъе ахæм гæрзтæ — зарæг æмæ фат.
Кæд ма фыдæлтæй баззади мæ гуырдзы
Æбæрæг рис, хъуырдухæн æмæ мæт,
Фæдисхъæры фæстаг зæл æмæ азым,
Кæд дæн зæххон, дымын тамако, нуазын
Сылгоймаджы фæлывд цæстытæй сæн,
Уæддæр мæ скæн фæстагæтты хуызæн.
Тызмæг сонет! Æнæфехæлгæ арæн
Ис цард æмæ мæлæты астæу ссарæн.


Автор: МАЛИЕВ Васо

Другие стихи автора