ÆРДÆГФЫСТ СОНЕТ

Æз агурын нæ фидæнмæ фæндаг,—
Фæлæ кæй бон у булæмæргъау зарын?
Уæвгæ хъысмæтæй уый бæрц хæс нæ дарын,
Цæмæй мæнæн æрдзон фæтк æмæ уаг
Мæ цæрæнбон фыдыусау нæ барой.
Нæ дæн зæххыл æнусон бæлццон æз,
Фæлæ мæхи тызмæг æнусы уæз
Мæ уæхсчытыл зæрин пъагæттау барæй,
Куы хъалонау æнæбары хæссын,—
Цæй бæрц уа къаддæр адæймаджы зын,
Цæй бæрц æрхæсса хоры кæнд йæ хуымæй,
У барст мæ мызд ураны рыгау уымæй.




Автор: МАЛИЕВ Васо

Другие стихи автора