Ю.

Сыгъдæг æууæнк æмæ дызæрдыг —
Куыройы зилгæ фыдты 'хсæн
Ныххауд дæ рагбæллиц — дæ фæрдыг,
Мыггагæн уагъд хоры хуызæн.

Æмæ мæгуыр лæджы хуымгæппæл
Куыд риссы карз ихы фæстæ,
Гъе афтæ де 'взонг зæрдæ стæппал
Æнæном цин æмæ мæстæй.

Æз зонын, ницы хъæуы дзурын,
Æмæ нæ фæччы уæд дæ ном.
Дæ уд — егъау хæзнаты дурын —
Мæнгвых æлыгау у тæссонд.

Цыфæнды стыр амæндты астæу
Куы уа чысыл хъыджы æрхъис,
Уæддæр æркъæдз вæййы дæ астæу,
Уæддæр фæтых вæййы дæ низ.




Автор: МАЛИЕВ Васо

Другие стихи автора