СКÆСÆЙНАГ ÆМДЗÆВГÆ

Фæсырдтой мæ,—

Кæй нæ зонын тæрсын...

Уæззау чырæ ныууагъта ам йæ фæдтæ.

Тыгъд быдыры рынчын уды фыдфын —

Дымгæсыгъд змисыл 'рхаудысты мæ сæнттæ.

 

Ам теуатæн сæ риу сæтты тымыгъ,

Мæ цæстытæ мын уазал азæлд къахы,

Æбуалгъ ауæдзтæй зин-зындоны тых,

Æрра худтгæнгæ, змисы хуым фæлдахы.

 

Æрымысын æнахуыр фынты рухс,

Цъæх пальмæтæ, сыгъдæг суадæтты зарын.

Кæмдæр фæранк гæппæввонгæй ныхъхъус,

Мæн тугцæстыты тарф æрхуымæй мары.

 

Æмриу фембæлды амондмæ цæуын,

Ныххудынц мыл æхсыд ыстджыты схъистæ.

Мæ тугдадзинты сæфты тар «Нæ уын»,

Хъæрахстггенгæ, адзалы нуазæн систа!

 

Цыфæнды уæд! Бæрæг зыны зæххыл

Мæ ауæдз цард æмæ мæлæтæн се 'хсæн.

Нæ уыди куывд,— кæм нæ ракъахтон хыл.

Нæ уыди хыл,— кæм нæ уыд куыст мæ ехсæн!


Автор: МАЛИЕВ Васо

Другие стихи автора