СТЫР БÆЛАС

Æхсæв-бонмæ
Тох кодта уадимæ
Пыхсбыны Стыр Бæлас.
Æхситт кодта
Адзал — руймон
Мин калмы
Мин æвзагæй,
Ниудта тыхы дымгæ.
Къæс-къæс кодта
Стыр Бæласы зæнг,
Скъуыдысты уидæгтæ,
• Фæлæ уæддæр
Нæ уагъта
Чысыл бæлæсты
Фæлдæхын —
Иæ аууон сæ бакодта.
Уад йæ зæнгыл асаста
Стыр Бæласы,
Йæхæдæг та æрдæгмардæй,
Тыхсастæй
Фæлыгъд Пыхсбынæй.
Хур райсомæй куы скаст,
Уæд бындзыд-батъара бæлæстæ
Кæрдзийæн дзырдтой:
«Стыр Бæласы
Тыхджындæр хуыдтой махæй,
Фæлæ йæм кæсут —
Лæг рабæрæг вæййы
Зын сахат».




Автор: МАЛИЕВ Васо

Другие стихи автора