АЙ МÆ ФÆНДАГ У!..

Дон
Афтæ зæгъы:
«Ай мæ фæндаг у!»
Дур
Афтæ зæгъы:
«Ай мæ бынат у!»
Мин азы,
Мин азы
Хъаугъа кæнынц.
Дыууæ дæр аххосджын:
Донæн æндæр рæтты
Ракæлæн уыд,
Дурæн æндæр ран
Æрлæууæн уыд.
Дыууæ дæр раст сты.
Донæн цæуыннæ ис
Ауылты цæуæн?
Дурæн цæуыннæ ис
Ам æрлæууæн?
Чи у раст,
Чи у зылын, —
Нымад нæу уый никуы.
Хуыцауы хъуыд
Æмæ хъæуы
Æрмæст сæ хъаугъа.




Автор: МАЛИЕВ Васо

Другие стихи автора