ÆЗ ИРЫСТОНЫ САГЪÆСТÆН ТАДÆЙ-РУАДÆЙ ФÆДÆН

Æз Ирыстоны сагъæстæн
Тадæй-руадæй фæдæн.
Сабийæ нырмæ с' ахæстæй
И}' бон не суагътой мæн.
Фæлæ уыдæттæ чи зоны,
Уый 'нхъæл чи у мæнæй, –
Зæрдæ ри}'ы ысфизонæг
Алы судзгæ мæтæй.
Искæйтау мæ рыст не 'рхæссын
Адæммæ – гъа, тыхст дæн.
Цас мæ тыхстытæ фембæхсын,
Уыйас – ноджы тыхстдæр.
Кæд мæ дзыхыдзаг бахудын,
Уæд æууæндын тыхджын –
Иры тæу зæрдæ-сах удыл
Хорз æрцæудзæн рæхджы.
Иры чи кæна иударон,
Чи йæ схойа рæстæй,
Ирмæ калмы 'взаг чи дара –
Саджи л æвзаг, хъæстæ, –
С алкæмæ дæр сæ каст уыдзæн,
Й' амонд с'алкæмæн – барст:
Иры азар сæ басудздзæн
Хоры азарау раст.
 
Ир та сцæгъддзæн йæ базыртæ,
Цыма уари фæсфын.
Ир йæ лæджыгъæд базыдта
Дард фæндæгтыл хæссын.
Æмæ Ирæй цы хæс дарын,
Уый мыл }гадзы йæ уæз, –
Бонырухс æмæ 'хсæвдары
Хатын ме 'нæнцой æз.
Хатын ме 'нæнцой – къул бæрзæй,
Бонæй бон фыддæр – зын,
Цыма хуссайраг къул бæрзау
Къулы къулæй лæууын.
Куысты з^дæнцой ку' агура
Лæг, цæрæццаг у уæд.
Иры саби куы райгуыры,
Гъеуæд райгуыры зæд.
Уас йæ мыггаг ныццахада
Æмæ барст уа йæ куывд,
Кæд куыд фидауы мах адæм
Ацы хурыбын, куыд!





Ноябрь, 1997
 

Автор: ХУГАЕВ Сергей