КЪУАЙСАЙАГ ЛÆППУТÆ

Мæ Ирыстонæн фидар у йæ бындур
Æмæ йæ ничи базмæлын кæндзæн.
Цæрынц нæ зæххыл къуайсайаг лæппутæ,
Сæ ныфсæй дæр нæ Ирыстон цæрдзæн.
Бæрзонд хæхтæ сæм радтой кады нуазæн,
Тызмæг хæхтæ сæм бауагътой сæ тых.
Æгас цæуæд уæ лæгдзинад, нæ фырттæ,
Фыдызнагмæ уæ кæрдтæ дарут цыргъ.
Фæлмæнзæрдæтæ, мадзура бындартæ,
Сæрæнгуырдтæ, цæргæсау у уæ каст,
Сæрыстыртæ, æгъдауджынтæ, хæрзкæндтæ
Тæхудиаг, тæхудиаг уæ уарзт.
Ыстут нæ Ирæн Уастырджитæ иууыл,
Уæ кады кой нæ адæмыл ныхъхъæр.
Æрвиты уын йæ арфæтæ Ирыстон -
Нæма уын райгуырд а зæххыл æмсæр.
О хуры фырттæ, къуайсайаг лæппутæ,
Хуыцауысконд, Ацæмæзау - уæ зард.
Тыхджын ыстут, мæлæт дæр уæ фæтæрсы,
Фыдызнагæй нын бахизут нæ цард.
 



Автор: ГАЛАВАНОВА Людмила