SOS

Адæмтæ, хъусут?
Амардтой цин!
Дун-дуне, тагъддæр!
Судзы нæ Ир!
Хуры хъæбултæй
Нал хъуысы зард.
Скифты фæдонтæн
Исынц сæ цард.
Сабитæ курынц:
Иу хуыпп - æхсыр!
Сабитæ хъазыныл
Нал ысты ныр.
Уæлмæрдты дуртæ
Саст ысты, пырх,
Иры дзæнгæрæг
Тугæй ыссырх.
Хъусут, нæ фæндыр
Хъарæг цæгъды,
Иры зынгхуыстытæн
"Рухсаг" - зæгъы.
Сау зæхх нырризы
Тохы хъæрæй,
Сау кæрдæн сисут
Иры сæрæй.
Мадæн йæ цæссыг
Нал кæны сур.
Малусæг Ирыл
Баталынг хур.
Ирæн уæ исчи!
Ракæнæд хорз!
Тагъддæр, æххуысмæ!
Сидын уæм: "SOS"!
 





Автор: ГАЛАВАНОВА Людмила