БУЗНЫГ, НЫГЪУЫЛИ!

Стахти ныгъуыли 
Армыдзыхъхъыйас 
Зæххы фæдджийæ. 
Йæ базырты ныдзæвдæй 
Кæрдæджы дæллагхъуыртæй 
Æрызгъæлдысты, 
Цины цæссыгтау, 
Сæууон æртæхтæ. 
Дзуццæджы ’рбадтæн. 
Хъавгæ нывнæлдтон: 
Ахстон — хъарм. 
Дыккаджы гыццийы арм. 
Дзыгъуыр æйчытæ — 
Цыма зынджытæ — 
Æндавынц... 
Зæрдæйыл аныдзæвд 
Цины хъыдзы. 
Дадзинтæ срухс ысты 
Хуры тыны хæлттау. 
Диссаг: ме ’нгуылдзтæ 
Куыд нæ ыссыгъдысты 
Мыдадзын цырæгътау! 
Бузныг, ныгъуыли, 
Дæ ахстоны хъармæй — 
Цыма гыццийы армæй — 
Афтæ стæфсти мæ уд, — 
Сабийы бонтæй нырмæ 
Нал зоны ’ргъæфсын... 






Автор: ХЪОДАЛАТЫ Герсан