КЪУЫПАЙЫ БАЛЛАДÆ

Иунæг цæнкуыл сыфтæр сусхъæды цъуппыл 
Фæззæгæй уалдзæгмæ ризгæ лæзæрыд. 
Диссаг: цы тых ын ныххæцыд йæ удыл, 
Æви бындары ном баззайы ’взæрыл? 
Уыцы карз дымгæтæм, уартау, фæлæууыд, — 
Йе ’рду дæр уымæн нæ фæкодтой тасын. 
Уалынмæ барджынæй уалдзæг æрлæууыд, 
Атыхсти, цинкалгæ, сусхъæд бæласыл. 
Къалиуты цадæггай базмæлыд салд туг, 
Мæнæ сæ нал хъæуы бирæ фæцъæхмæ. 
Рахæтыд хивæнд сыфтæрыл йæ «хъал» дуг, — 
Сабыр, æнæсымæй расхъиудта зæхмæ. 
Афтæ чысыл къуыпа мадзура, сонтæй 
Галæгоны дæр фæхудинаг кодта!.. 





Автор: ХЪОДАЛАТЫ Герсан