ГÆДЫБÆЛÆСТÆ

Хæлæг кæнын гæдыбæлæстæм. 
Сæ сæрыстырдзинад сын уарзын. 
Уынынц сæ алывæрсты дардмæ, 
Æдзух — ыстæхынæввонг арвмæ, 
Йæ цъæх ын хæхты суарау нуазынц. 
Куы уа цыфæнды хъызт, уæддæр 
Сæ цуры тута, балбæлæстау, 
Нæ ныккукатæ вæййынц, 
Нæу сæм нымады 
Дымгæйы цъæлхъæр. 
Æмбæхстæй баззайы сæ хъæрзын. 
Нæ кæнынц мисхал дæр сæхи мæт. 
Фæлтау нæ Иры сæрмæ мигътæ 
Сæ уæззау æнгуылдзтæй фæмæрзынц... 
Æз бузныг дæн гæдыбæлæстæй. 




Автор: ДАУЫРАТЫ Дамир