«ХÆРЗÆГГУРÆГГАГ!..

«Хæрзæггурæггаг! 
Сауцъиутæ æртахтысты. 
Агурынц сæ фароны бынат»... — 
Цин кæны сæумæрайсом мæ мад, 
Цыма йæм йæ хъæбултæ æруадысты. 
Æз та — уынгмæ. 
Донбылы хæристыл 
Уыцы цъиутæ дзедзырой кæнынц. 
Хуры тынтæ афтæ бирæ систы, — 
Нæу бæрæг, кæцырдыгæй тæхынц, 
Зæххæй æви уæлæ арвæй, 
Цæстытæй æви мæ армæй. 
Фæлæ дымгæ, уа-диссаг та дымгæ, 
Цыма мæ йæ буц хæларæй базыдта, 
Уыйау зилы м’ алыварс фыр цинæй. 
Хъуамæ йæ æрцахсон æз йæ базыртæй, 
Хъуамæ сæ ныссадзон æз мæхицæн... 






Автор: ДАУЫРАТЫ Дамир