ЗÆХХÆНКЪУЫСТ ...

Зæххæнкъуыст 
Æнæнхъæлæджы кæй вæййы, 
Уымæн у тæссаг. 
Уарзондзинад дæр афтæ. 
Æз дæ, мæ хур, куы федтон фыццаг, 
Уæд ралæууыд мæ хъизæмæртты афон. 
Мæн дæ бахудт йæхиуыл ардыдта. 
Æз арт уыдтæн, арт уыдтæн, арт уыдтæн! 
Стъалытæ мæ фæдыл лыгъдысты, 
Ме ’нкъарæнтыл топхосау сыгъдысты. 
... Ныр зымæг у. Балбæлæсты аууæттæ, 
Халæттау, хæмпус митыл æрхуыссынц. 
Цæй, кæм дæ?.. 
Ме ’мдзæвгæтæй 
Схъарм кæнын мæ хуыссæн. 




Автор: ДАУЫРАТЫ Дамир