ЦÆЙ ДАРГЪ МЫЛ НЫВВÆЙЙЫНЦ ФÆЗЗЫГОН ИЗÆРТÆ!..

Цæй даргъ мыл ныввæййынц фæззыгон изæртæ! 
Æрхауынæввонг у, сыфтæрау, мæ зæрдæ. 
Дæу мысынæй, хъæды бæлццонау, фæрыстæн. 
Æппынæдзух уайынц мæ фæллад цæстытыл 
Дæ ацыд, тæргай чызг, дæ фыдхуыз фæсонтæ. 
Мæн ме ’мбæлттæ размæ дæ фæдыл ысхуыстой 
(Мæ сæрыстырдзинад цыргъагæй рæхуыстой): 
«Цы лæууыс, æдылы, фæстæмæ йæ раздах...» 
Цæмæн мæ фæкодтай мыггагмæ фæсмонгонд, 
Кæдæм мын фæхастай мæ цъæхбазыр азтæ? 






Автор: ДАУЫРАТЫ Дамир