КÆНЫН УÆ ХЪÆБЫС!..

Мæ рухсзæрдæ бæстæ,
Мæ даргь фæтæн фæзтæ, 
Цъæх денджызты уылæн, 
Мæ хуры уæгьд тулæн,
Мæ таргъæды къохтæ,
Сæрибары рохтæ,
Кæенын уæ хъæбыс!

Мæ царды сæрибар,
Мæ адæмы фидар,
Ыстыр бæсты цинтæ,
Зынг хуры æфсинтæ,
Мæ заводты зарын, —
Уæ дзырд уын æмбарын,
Кæнын уæ хъæбыс!

Мæ хæхтæ, цъæх рæгътæ,
Колхозон рæгьæуттæ,
Фæйлаугæ мæнæутæ,
Мæ денджызты наутæ,
Сæрибар быдыртæ, — 
Æмбарын уæ дзырдтæ, — 
Кæнын уæ хъæбыс! 





Автор: БОЦИЕВ Барон