БЕРДЫ ТАУЫРÆГЪ

Тынг хъæздыг нæ цардтæн æз,
Бахæрон уæ рынтæ,
Багалæг, цола бæх, къæсс—
Мила куыдз—мæ бынтæ

Æмæ уыдонæн дæр хъуыд 
Хъахъæнæг мæ фæстæ.
Фæлæ фырт мæнæн'нæ уыд,— 
Талынг мыл уыд бæстæ.

Иу хатт дын мæм не’фсин уæд 
Дзуры:—«Уадз дæ тъизын,
Acт мæймæ уыдзæнис цот»... 
Цинæй риу нырризыд.

—Барæвдау мæ хуыдау фыртæй, 
Скæн кæрон мæ мастæн...
Бонтæ хынцгæ, иу дзырдæй,
Æз æнхъæлмæ кастæн...

Иу бон раздæхтæн куыстæй,— 
Иу чызг уайы мердæм.
Схæццæ. Сулæфыди, стæй
— Райгуырд, дам, чызг Бердæн.

Зæрдæ фестад ихы къæртт,
Асау масты тарæй.
— «Ей, бецау Берд, афтæ цæр 
Ды æнæ бындарæй. 

Куы амæлай, дæ бынтæ уæд…
Ничи сæм фæкæсдзæн 
Æмæ саг дзæгъæлдзуаг уад
Алырдæм фæхæсдзæн.

Таурæгътæ даргъ сты,
Фæлæ, дын, цæвиттон,
Чи зыдта уæды рæстæг 
Цавæр уыдзæн фидæн?

Фæлæ рацæй-рауæлæ 
Æмæ диссаг федтон,—
Ног дæр рæстæг ралæууыд-
Хицауад советон.

Æмæ дын æппæт- бæстæн,
Стыр хъæздыг къæбицау,
Æз æвиппайды æсдæн 
Бардар æмæ хицау.


Фесæфæд гæды зæгъæг,
Цард мæм худы хурау.
У мæнæн мæ чызг тæхæг, — 
Цæргæсты æмбулы.

Æмæ дзурынц, зæгъгæ, ныр
Ерепъланыл хъазы.
Емæ базырты тыртыр 
Знæгты 'фтауы тасы. 

Ничи йæм æрхæсдзæн фау, 
Бахæрон йæ рынтæ.
Уый мын ныр, сæрæн фыртау, 
Хъахъæндзæн мæ бынтæ.





Автор: МАМСУРОВ Дабе

Другие стихи автора