ИРОН ФÆНДЫР

«Ирон фæндыр» — Къостайы чиныг 
Æз хæсты быдырмæ фæхастон. 
Æмбæлттæй чи нæ каст уый, чи нæ, 
Хæстонтæ йæ салдатау уарзтой.
Уый мемæ знагмæ цыд æдæрсгæ, 
Мах иумæ знагыл пиллон уагътам. 
Уый мемæ тымыгъты лæгæрста,
Мах иумæ акъоппытæ къахтам.

«Ирон фæндыр» — Къостайы чиныг 
Æз хæсты быдырмæ фæхастон. 
Æмбæлттæй чи нæ каст уый, чи нæ, 
Хæстонтæ йæ салдатау уарзтой. 
Уый мемæ иу уидыгæй хордта,
Мах иумæ иу къусæй дон нозтам. 
Уый мемæ иу уынаффæ кодта,
Мах иумæ ихджын къæвда хоста.

«Ирон фæндыр» — Къостайы чиныг 
Æз хæсты быдырмæ фæхастон. 
Æмбæлттæй чи нæ каст уый, чи нæ, 
Хæстонтæ йæ салдатау уарзтой. 
Уый мемæ сгарæг цыд фынафон, 
Уый мемæ бахæццæ Берлинмæ,
Уый мемæ Зæххæн хаста амонд. 
Уый мемæ уыд æдзух. Мæнимæ...




Автор: ЦАГАРАЕВ Гиго