ТАНК

Хæсты хабар дунейыл куы айхъуыст, 
Мах нæ къухтæм хотыхтæ куы райстам, 
Уый æхсыстæй пецы хуылфæй рахызт 
Æмæ знагмæ тохы цæхæр хаста.
Цал хатты йыл рацыди зæй-уарын?
Цал хатты йæ уаддымгæтæ хостой?
Цал нæмыджы бамур и йæ буарыл?
Цас фæтылди?.. Цас ыл баззад ностæ?
Уагъта уый сæрибар цард йæ фæстæ, 
Суанг Берлинмæ амонд хæсгæ бацыд. 
Смета йæ бæрзонд къæйдурмæ бæстæ, 
Æмæ уым йæ хæстон фæллад уадзы.




Автор: ЦАГАРАЕВ Гиго