РАХИЗ ЦОНГ

Фæцæйцыдтæн уынджы, - æнæхъыг, æнæмаст,
Мæ цæстыты змæлыд кæркæбазыр уалдзæг.
Фæкастæн: æцæгæлон бæлццон – æнæдаст –
Æрбатындзы ме 'рдаем, - фæлладгъуыз, хæлардзæст.

 Фæкодта мæ разы дзыхълæуд æмæ, ризгзæ,
Йае кителы галиу дзыпп тагъд-тагьд ысгары.
 - Ыссудз мын мæ тамако, марадз, дæ низтæ, -
Спичкаейы къопп мæм, хатыр кургæ, дары.

 Ныуулæфыд сусты рæбынтæм цъæх фæздæг,
Иæ риуæй дæргъвæтин уæззау уынæргъд сыхъуыст.
Ыстæй уæд фæцæуæг мæстæгуд, къæсхуыр лæг,
Йæ рахиз дыс - афтид, йæ кæрон - дзыппы тъыст.

Æз баззадтæн джихæй, мæ зæрдæйы тæгтæ
Йæ фæдыл ивæзынц, ивæзынц дыз-дызæй.
Æнахуыр цъæх уазал ысхъызыд мае уæнгты,
Цыма мыл уæларвæй æркалди тыгъды зæй.

Ысниудтой, ысрæйдтой адзалы нæмгуытæ,
Зынгызды дæндæгтæй æвналынц мæ удмæ.
Ысгуылф кзены пиллон - мылазон, аемгуыдын,
Ысрæмудзы бомбæ, зæхх сау сыгъдæй дуды...

 Атакæйы карзы, хъыллистгæнгæ, минæ
Салдатæн йæ рахиз рæбыныл ыстыдта,
Уæддæр ма æдзард цонг æртхуыст къæрæбинæн
Йаæ мæнгвæдæг тугсур æгуылдзæй æлхъывта...

 Æцæгæлон бæлццон фæзилæны ф' аууон...
Кæд афонмæ басыгъд йæ тамако, 'рнымæг
Æмæ та – кæмæдæр... О, уастæн, бын бауон,
Куыд нæ ныхъхъæр кодтон йæ фæст: Фырнымд лæг,

Фæлæу-ма, фæлæу-ма, дæуæй æз хæс дарын:
Ды махæн æрхастай цъæх уалдзæг, уæлахиз,
Цæудзынæн дæ фæрсты, лæггадхъом кæстæрау,
-Мз даен, аез, дае хауд цонг, æз дæн, æз, дæ рахиз!..

Ныдздзаегъаел дэен уынджы... Мае заердаейы нуаерттае
Хаелбурцъгаенгае сриссынц... Хур фэесмигъ аембаехсы...
Цы спичкæ уыд уагæр, йае чысыл ыспаерттаей        
Мæ цæстыты хæсты зынгирвæзт фæхæссын...           



Автор: ХЪОДАЛАТЫ Герсан