ИРОН ФÆНДЫР

​Ысфæлдыста дæ Иры зæхх йæ удæй,
Йæ хъыгтæ æмæ цинтæй уыдтæ гуырд.
Цæрæнбонты нын зарыс ды рæсугъдæй,
Мæ адæмы хæзна дæ æмæ цыт. 

Ирон фæндыр-ма зæрдæйæн йæ зæрдæ,
Мæ минмырон, мæ удæнцой, мæ цин
Дæ хъæласмæ – тæхынаввонг мæ уæнгтæ,
Дæ Иры къуымтæ – аивады фсин!  

Дæ цæгъдмæ æркалы урс цъити йæ цæссыг,
Дæ зæлтæм уарди райхалы йæ сыф.
Ныннæрсы хуымты æфсирæн йæ нæмыг,
Сæрбахъуыды дæ алкæмæн дæр ныфс… 

Зæрдæйы таг – ирон фæндырæн арфæ!
Кæнæм дын мах цæрæнбонты æмдзæгъд.
Дæ риуыдзаг, дæ мин-мин зæлты арфæй
Ирыстонæн йæ номы зард æрцæгъд! 


Автор: ГАЛАВАНОВА Людмила