ЗӔРОНД БӔЛАСӔ

Сосхъӕдӕн ма ӕрмӕст
Ӕ къудур ӕризадӕй,
Ниххускъӕ ’нцӕ цӕнгтӕ,
Ӕркалдӕй ӕ сифтӕр,
Рохс ӕрдози лӕууй
Бӕгънӕгӕй, бӕгъӕмбадӕй,
’Ма а" гъефтӕ хуӕруй
Мӕгуйради нивтӕй.
Кӕддӕр ба, хъал бӕхау,
Ӕ сӕрӕй бӕргӕ гъазта,
Кӕддӕр ба ймӕ къотӕртӕ
Мардӕнцӕ хицӕй,
Кӕддӕр ба сӕрустур,
Бӕрзонд ном бӕргӕ хаста,
Фал нур ба ӕ зӕруай
Еугур мӕгур ниццӕй.
Ӕрцӕудзӕй ӕ рӕстӕг,
Ма еу бон ниггупп лассӕй,
Ӕмбуйдзӕнӕй зӕнхи
Дӕргъӕмӕй ӕ къудур,
Мӕсуг ин ӕ кадӕн
Ӕ фӕдон нӕ исдасдзӕй,
’Ма ӕ сӕргъи лӕудзӕй
Мӕрдгӕсӕй хъал будур.

Автор: ЦЪЕУТИ Замӕдин