АВÆР-ИУ МЫН МИДБЫЛХУДТ

Сагъæсты рæсугъд къуыбылой — зæрдæ,
Уацамонгæ, абузы дзы уарзт.
Цинты малы лæг кæны дыууæрдæм,—
Зæрдæ худы хурты-хурау раст.

Сагъæсты æлхынцъ къуыбылой — зæрдæ,
Куы тæрккъæвда, куы сæууон æртæх...
Мæнæ федтз уый лæджы æфхæрдæй, —
Бадон вæййы, цæстысыг — сæх-сæх...

Зæрдæ ниуы, — къул вæййынц нæ сæртæ,
Худы зæрдæ, — хæдзар у æртгъуыз.
Дунейæн йæ мидбылхудт у зæрдæ,
Дунейæн — йæ æрфгуыты хъуынтъыз...

Зæрдæйы куы уа бынат хæрамæн,
Зæрдæйы куы æмбæхсæм фыдæх, —
Не сбæззыди чидæр уæд хæларæн,
Мисхалы бæрц уазалдæр у зæхх...

Ма ’рбадæт æртхутæг, Ир, дæ зынгыл,
Ды —зæрдæ, æз та — дæ рæзгæ тау.
«Нардуарæг!»—куы ысдзурон дæ фынгыл,—
Авæр-иу мын мидбылхудг рæдау!..





Автор: КОЗАЕВ Исидор

Другие стихи автора