БЕРДИТИ ДУДАРÆН

Раст зæгъгæй, ду дæр Циколай

æруорæдтай сæ симдæй.

Дæ кусти фæрци се скъолай

рохси цъита фæззиндтæй.

Дæ реуæй син тухтонæгæй

урух фæндаг игæрдис,

Хæлаурау зæрзæргæнгæй,

хори тунтæ нивæндис.

Сæ фур цинæй еу иннемæн

дæ хуарзи кой æппæлуй:

«дини фæдбæл нæбал семæн,

арфæ, дан, дин æмбæлуй».

Сæ дингæнæг дæ кустмæ дæр,

дæхемæ дæр æзморæ’й,

фал уодзæнæ кæддæриддæр

арфæгонд ду Дигорæй.





Автор: БАГРАЕВ Созур

Другие стихи автора