ЗОЛЯЙЫ РОМАН "ЗАПАДНЯ"-МÆ ФЫСТ ÆМДЗÆВГÆ
Мигъты бызгъуыртæ фæззыгон уæларвы,
Уынджы уымæл æмæ цъыф.
Уазал сæлфынæг æппæт тыхтæй хъавы
Уарынмæ срæзын, къæйных!
Ахæм æнкъард рæстæг иунæгæн фадат
Суæвын кæронмæ æрра,
Фæлæ мæ уæлхъус æрлæууы зын сахат
Уарзон французаг Золя...
Уары Парижы дæр. Ахъардта уæнгты
Уазал. Кæлмæрзæнæй тыхт
Уæртæ фæлæсы къуылых аууон уынгты,
Цардæй æфхæрдгонд, æдых.
Уый у Жервезæ - æнамонд гæрзтæхсæг,
Иунæг, фыд хъысмæтæй саст,
Нæхай Жервезæ, æдзæрæг-æмæлæг,
Хсæвы цæстылуайæн раст.
Лгъыстаг "Къæппæгмæ" йæ сайы йæ фæндаг,
(Бирæты рцыдысты сайд)
Суаддзæни карз нозтæй ахсæв йæ мондаг,
Ферох кæндзæни йæ цард.
Ауигъдзæн къухæй йæ уæззау хъысмæтыл,
Раздæрау нал кæндзæн тох,
Суæгъд уыдзæн зæрдæ йæ рыстæй, йæ мæтæй,
Рцæудзæни ппæт дуне рох...
Банцадис уарын, уымæг зæххыл къултæ,
Арвыл æмпылд насæй мæй.
Мигъты хæррæгътæ фæхъуызынц йæ цурты,
Дымгæ сæ мары мæстæй.
Уазал къуындæг къæсыл иунæг, тымбылæй,
Карз нозтæй райсоммæ фсæст,
Згæхæрд сынтæгыл Жервезæ ныффынæй -
Намонд хъысмæты æвзæрст...
Автор:
Басиева Залина Руслановна