НÆ ДÆН ÆЗ АТТЕИСТ, НÆ ДÆН УЫРНÆГ
Нæ дæн æз аттеист, нæ дæн уырнæг,
Мæ хъуыдытæ зынхатæн бонæй-бонмæ.
Вæййынц мын хаткай суадонау сыгъдæг,
Куы та мын аразынц фæндаг зындонмæ.
Мæ удон дунейы æнæнцой тох:
Фæбæлы зæрдæ рухс зæдты æмзардмæ.
Æстæй бæрзонд хъуыдытæ рцæуынц рох
Æмæ æндæр цæстæй фæкæсын цардмæ.
Æзнæт кæнынц мæ туг æмæ мæ зонд
Ныхмæлæууæг æнкъарæнтæ æдзухæй.
Мæ зæрдæ у мæ хъуыдыты нывонд
Æмæ йæ иу уысм нæ уадзы цухæй.
Куы разынынц мын циндзинад хæссæг,
Куы та ныббады рхæндæг арф зæрдæйы.
Æмæ æсвæййын хатгай æз уырнæг
Æмæ æз хатгай аттеист æсвæййын...
Автор:
Басиева Залина Руслановна