Фæндараст æрбауат, цæдисоитæ!..
Ныр нал ис сымахæн мæлæты рис.
Мæгуырты нымадтат уæ биионтæй;
Уæ цард уыди рагæй тыхсты фæдис.
Цæргæсау, фæлгæсут ныр алыварс.
Сæтты нæ уæ мæсыг йæ бæрзондæй!..
Зæрдæйæ уыдыстут мæгуырты ’мварс,
Уæ сæр сыл æрхастат уæ хæрз зондæй.
Фæут нæ фæндараст, цæдисонтæ!..
Фæлмæндæр бæмбæгæй — уæ рухс бонтæ.
Нæ æфхæрд дзыллæты фæдисонтæ,
Уæхицæн ныууагътат æнусмæ кад...
Автор: БАРАКОВ Гино