КУЫННÆ МÆЛАЙ МÆТÆЙ...
Куыннæ мæлай мæтæй:
Æрра куыдзы сæтæй
Дæ фыссæн сис — хъæстæ.
Нæ фæллайы дæ къух,
Рæхойыс дзы æдзух,
Цæуæн дæм нæй хæстæг.
Нæ дыл фæкæнын дис —
Дæ хуызæттæ уыдис,
Ыстæй уыдзæни сом.
Фæлæ уæ кад уæлдæр
Нæма фæци, кæддæр
Куыд уыди, афтæ хом
Уыдис æмæ уыдзæн.
Ис иунæг ном куыдзæн.
Цæуылфæнды йæ дом,
Нæ фæуыдзæн уæлдай:
Йæ хæринаг — уæлдай,
Йæ намысы аргъ — сом.
Автор:
ДЗАСОХОВ Музафер