Æвдай азы кар мыл нырма дæр нæ зыны:
Чысыл раздæр тахтæн уæлæрвты мæ фыны.
Куыд тылдтон мæ базыртæ-къухтæ бæрзæндты!
Фæуагътон кæддæрау мæ фæстæ мæ сæнтты.
Нæ тарстæн мæхицæн æрхауынæй зæхмæ,
Хæрдмæ кæмæ кастæн, æз уыцы къæдзæхмæ
Фæлгæсыдтæн уæле — æрттывта йæ цъити,
Уыдтон ын, йæ сæрыл цы нæуæгуард мит и...
Мæ къабæзты бацыд æвзонг тыхтæ ногæй,
Цыма мæ фæхъæстæчындæуыди ронгæй.
Автор: ДЗАСОХОВ Музафер