УАЛДЗÆГ БАХУДТИ КЪУЫБЫРТÆЙ
Уалдзæджы дæгъæл — хуры тын,
Бакодта ихæй гуыдыртæ.
Мæргъты æвзагæй дзурынтыл
Схæцыди, бахудт къуыбыртæй...
Цадæггай дыстæ батылдта,
Уадултæ хиды самæста.
Уæрдон та уынгмæ ратылдта,
Дзоныгъ та кæрты бамбæхста...
Хуссары саузым, хидвæдтæ, —
Царды цæрвæхсид равдыла.
Аздæхта нукмæ митдæттæ, —
Фæззæгмæ хордон равдæла...
Акса, йæ урс кæрц феппæрста,
Рафтыдта ноджы риуæгънæг.
Тауинаг къухæй февзæрста, —
Æрдзы та сфидар зиуæгъдау.
1981
Автор:
КОЗАЕВ Исидор