АЗТЫ ХАЛÆЙ ÆЗ ÆРГЪОМ НÆ БÆТТЫН...
Азты халæй æз æргъом нæ бæттын,
Нæй, нæ уарзын мардыл дæр кæуын.
Æз бæлццон дæн, дуджы карз цæвæнтæм,
Чох-мæсыгау, риуыздæхт лæууын.
УЫД мæ цард æрдуйыл баст, уæларвсау,
Нал мæ уагъта удхор мæлæт уæгъд.
Уымæн мыл ис, дарæны бæласау,
Карздæр тохты тугæрхæмтгæ фæд.
Фæлæ дæн мæ хъысмæтæй кæлæнгонд, —
Тохæн у йæ тæссагмæ мæ хъавд.
Кæй хъæуы сæдæ азы цæрæнбон,
Кæй æрмæстдæр — иунæг уысмы цард...
VII. 77.
Автор:
КОЗАЕВ Исидор