Уалдзæг. Æз баззадтæн
къуыбырмл,Хурзæрин митдæгтæ
ауазы.
Дæлæ та хуымгæрон
къуыбарыл
Дзывылдар — уалдзæгхон
бауасыд.
Уазалæй ратахги
хъарм бæстæм,
Дардæй — фæлладæй,
æххормагæй.
Æмæ нæ кæрæдзи
бамбæрстам, —
Мардтам ныр хуымы
нæ мондæгтæ…
Гутон йæ фыццаг хахх
акодта,
Зары йæ уалдзæгыл
дзывырдар,
Мах дæр йæ фæд-йæ фæд
азгъордтам —
Æз æмæ уалдзæгхон
дзывылдар.
Хуыскъæл-иу рахаудта —
размæлыгъд,
Цыма быцæу кодтам:
чи фылдæр?
Уаллон-иу къуыбарыл
базмæлыд,
Уым-иу уæд абадти
дзывылдар.
Барстам æнæхъæн бон
къахдзæфæй
Хуымæн дыууæрдæм
йæ «базгуытæ».
Æмæ-иу уалдзæджы
карз тæфæй
Кодтам сæрзилæнтæ,
расгуытæ...
Ацыди уыцы дуг,
афардæг,
Сæрыхил нал у
йæ нывыл дæр...
Цал хатты ралæууыд
рагуалдзæг,
Цал балцы сарæзта
дзывылдар!
Иухатты гутондар —
ивгъуыдау,
Радта йæ гутон
йæ зæнæгмæ...
Фæлæ мæнæн уæддæр,
иухаттау,
Абон дæр ме скаст —
хуымгæнæгмæ.
Автор: КОЗАЕВ Исидор