ХЪУГДУЦÆГ ЧЫЗДЖЫ ЗАРÆГ
Бамбæрзтой нæ фосрæгъæуттæ хъугом,
Базарыд та уыцы лæгтпу рындзæй.
Чи сæ у æхсызгондæр мæ удæн, —
Уадындз, æви урс-урсид æхсырзæй?
Нал кæны фыдæнæн уый сæухиз дæр,
Уадындзы зæл фестади йæ зæрдæ.
Омæ йын куыннæ зæгъы нæ хисдæр:
«Никуы федтон æз дæуæй æвзæрдæр.
Хур ыслæууыд арвастæу, нæ сæрмæ,
Нал зонынц нæ хъуццытæ цæуын дæр...
Чызг, лæппу, дæумæ кæсы æнхъæлмæ,
Æви йæм хæрам кæд дæ цæуылдæр?»
Бауромдзæн дуцæны йæ хъомтæ,
Æз цæрдæг æд дуцæнтæ — йæ цурмæ.
Фæлæ рвитын удхарæй мæ бонтæ, —
Мара зæгъ, нæ мæм фæкæсдзæп зулмæ.
Æви кæд мæ цæстæнгас нæ ахсы?
Иеныр дæр та уæртæ бады, уæртæ.
Къусы дзаг æм авæрын уæлахсы,
Аивтæй дзы авæрин мæ зæрдæ...
къæртаты урс æхсыр фæзыны, -
Хурты-хурау уæд йæ цæсгом худы.
Фæлæ уый мæ хънзæмар нæ уыны,
Уарзты зæй кæй рацыди мæ удыл...
Автор:
КОЗАЕВ Исидор