МÆ ЗÆРДÆЙÆН ЙÆ УИДАГ ДÆ...
Мæ зæрдæйæн йæ уидаг дæ, мæ цæстæн та – йæ гагуы,
Мæ хуры тын, æрттивынæй ды макуы банцай, макуы.
Мæ бонтæн æз сæ алкæцыйæ дæн æнусмæ райгонд,
Æрхастой мын уæларвбæстсæй сæ рæубазыртыл амонд.
Ды дæ мæ уыцы амондæн йæ булæмæръ, йæ зарæг,
Цы лæппу цыди фистæгæй, уый фестын кодтай барæг.
Æмæ тæхы йæ фидæнмæ, æнæкæрон – йæ цинтæ,
Йæ фæндагыл ис гауызтæ, хæрдгæхуыдтæ, зæринтæ.
Автор:
ДЗАСОХОВ Музафер