Æнæ мастæй фæрнæй бадæ.
Дзурди барæн дин ес радæ.
Хуæрунмæ дин кæрдзин, дзосæ.
Сæ унбæл син зæрдæй косæ.
Лæги зæрдихудтæй тæрсæ.
Ку дæ бафхуæра, уæд бæлсæ.
Ку дæ фарстæуа, уæд дзорæ,
Ку ди райстæуа, уæд корæ,
Ку лæвардæуа, уæд есæ,
Ку дæ надæуа, уæд ледзæ.
***
Æнæ мастæй фæрнæй бад.
Дзырды барæн дын ис рад.
Хæрынмæ дын кæрдзын, цæхх..
Сæ бæркады куыстмæ здæх.
Лæджы зæрдæхудтæй тæрс.
Куы дæм хъуса, гъеуæд фæрс.
Куы дæ 'фхæра, уæд фæбыхс.
Куы дыл тайа, — ма у пыхс.
Куы дæ фарстæуа, уæд дзур.
Куы дæ райстæуа, уæд кур.
Куы лæвæрдæуа, уæд ис.
Куы дæ надæуа, уæд лидз.
Автор: БАГРАЕВ Созур